lipu lili mi nanpa wan

lipu lili mi nanpa wan. tan waso Talu

toki a mi waso Talu. o kama pona lon lipu lili mi. mi lukin e sitelen tawa li jan Bre lon ilo Youtube. nimi ona li brattyxbre lon ilo ni. ona li jan pi pali musi. ona li pali e lipu lili. mi lukin e sitelen ona la mi wile pali kin e lipu lili. ni la mi pali e lipu lili ni a

lon la lipu ni li lipu mi nanpa wan ala. mi jan lili la mi en jan pona li pali e lipu musi. mi sitelen e ijo lon insa lipu lili li pana e lipu tawa mi ante. kin la kama sona en pana sona li pona tawa mi la mi jan lili la mi pali e lipu pi pana sona. kepeken lipu ni la mi pana e sona nanpa tawa jan lili ante a a.

pali lipu li pona tawa mi. taso pi kama jan suli la mi pali ala e lipu. ni li tan ijo mute: tenpo musi mute li lon ala, mi pali e ijo musi ante, mi pali musi la mi wile pali pona a. pilin lawa mi la pali mi o pona suli a. taso pilin ni li pana e pilin monsuta tawa mi.


o tawa lipu open